Fondssparing

Å spare i fond er ein god måte å spare på, fordi det historisk sett gir høgare verdistigning på pengane enn å ha dei på ein bankkonto.

Eit fond er eit slags spleiselag der mange sparare går saman om å plassere pengane sine i verdipapirmarknaden. Når du sparer i aksjefond, sparer du i veldig mange aksjer samtidig. Dette gjer at du minimerer risiko samanlikna med dersom du hadde kjøpt aksjar i ein enkelt bedrift. 

Kvart fond har ein profesjonell forvaltar til å styre investeringane, for å gi deg best mogeleg verdistigning. Dette gjer at du som fondssparar ikkje treng mykje forkunnskapar eller å halde deg oppdatert på kva som skjer i marknaden for å kunne spare i fond. 

Fondet du plasserer pengane dine i, har investert i selskap som stadig skapar meir verdi. Aksjemarknaden svingar, men så lenge vi har produktivitetsvokster og auka verdiskapning i samfunnet vil aksjemarknaden over tid stige meir enn det fell.

Skal ein oppnå noko ekstra, må ein også våge noko. Skal du oppnå høgare verdistigning enn det du kan oppnå ved å setje pengane i banken, må du også vere villig til å påta deg høgare risiko. Enkelte periodar har hatt verdifall, det vil seie at om du hadde teke ut alle pengane då, ville verdien av aksjefonda dine vore lågare enn kva dei ville vore med banksparing i same periode. Det er derfor det er viktig å vere tru mot sparinga og følgje den planen ein har lagt. Først då blir sparing verdas beste idé. 

Det er smart å spare litt i fond kvar månad. Då reduserer du risikoen for å kjøpe på eit uheldig tidspunkt når kursane er høge - og du får kjøpt andeler også når kursane er lave. Vi anbefaler derfor at du oppretter ein fast spareavtale.